1. quam bonum est arguere quam irasci et confitentem in oratione non prohibere

2. concupiscentia spadonis devirginavit juvenem

3. sic qui facit per vim judicium inique

4. quam bonum est correptum manifestare pænitentiam sic enim effugies voluntarium peccatum est tacens qui invenitur sapiens

5. et est odibilis qui procax est ad loquendum

6. est autem tacens non habens sensum loquellæ et est tacens sciens tempus apti temporis

7. homo sapiens tacebit usque ad tempus lascivus autem et inprudens non servabunt tempus

8. qui multis utitur verbis lædit animam suam et qui potestatem sibi adsumit iniuste odietur

9. est processio in malis viro indisciplinato et est inventio in detrimentum

10. est datus qui non sit utilis et est datus cujus retributio duplex

11. est propter gloriam minoratio et est qui ab humilitate levavit caput

12. est qui multa redimat modico pretio et restituens ea septuplum

13. sapiens in verbis se ipsum amabilem facit gratiæ autem fatuorum effundentur

14. datus insipientis non erit utilis tibi oculi enim illius septimplices sunt

15. exigua dabit et multa inproperabit et apertio oris illius inflammatio est

16. hodie fenerat quis et cras expetit et odibilis homo hujusmodi

17. fatuo non erit amicus et non erit gratia bonis illius

18. qui enim edunt panem illius falsi linguæ sunt quotiens et quanti inridebunt eum

19. neque enim quod habendum erat directo sensu distribuit similiter et quod non erat habendum

20. lapsus falsæ linguæ quasi qui pavimento cadens nam et sic casus malorum festinanter venient

21. homo acharis quasi fabula vana in ore indisciplinatorum adsidua erit

22. ex ore fatui reprobabitur parabola non enim dicit illam in tempore suo

23. est qui vetatur peccare ab inopia et in requie sua stimulabitur

24. est qui perdit animam suam præ confusione et ab inprudenti persona perdet eam personæ autem acceptione perdet se

25. est qui præ confusione promittit amico et lucratus est eum inimicum gratis

26. obprobrium nequa in homine mendacium et in ore indisciplinatorum adsidue erit

27. potius furem quam adsiduitas viri mendacis perditionem autem ambo hereditabunt

28. mores hominum mendacium sine honore et confusio illius cum ipso sine intermissione

29. verbum parabolarum sapiens in verbis producet se ipsum et homo prudens placebit magnatis

30. qui operatur terram suam inaltabit acervum fructuum et qui operatur justitiam ipse exaltabitur qui vero placet magnatis effugiet iniquitatem

31. xenia et dona excæcant oculos judicum et quasi mutus in ore avertit correptiones eorum

32. sapientia absconsa et thesaurus invisus quæ utilitas in utrisque

33. melius in hominibus qui abscondent insipientiam suam quam qui abscondunt sapientiam suam





“Que Nossa Senhora nos obtenha o amor à cruz, aos sofrimentos e às dores.” São Padre Pio de Pietrelcina