1. Canticum ascensionum. Saepe expugnaverunt me a iuventute mea, dicat nunc Israel,

2. saepe expugnaverunt me a iuventute mea, etenim non potuerunt adversum me.

3. Supra dorsum meum araverunt aratores, prolongaverunt sulcos suos.

4. Dominus autem iustus concidit cervices peccatorum.

5. Confundantur et convertantur retrorsum omnes, qui oderunt Sion.

6. Fiant sicut fenum tectorum, quod, priusquam evellatur, exaruit;

7. de quo non implevit manum suam, qui metit, et sinum suum, qui manipulos colligit.

8. Et non dixerunt, qui praeteribant: “Benedictio Domini super vos, benedicimus vobis in nomine Domini”.





“Reze, reze! Quem muito reza se salva e salva os outros. E qual oração pode ser mais bela e mais aceita a Nossa Senhora do que o Rosario?” São Padre Pio de Pietrelcina