1 alleluja lauda Hierusalem Dominum lauda Deum tuum Sion
2 quoniam confortavit seras portarum tuarum benedixit filiis tuis in te
3 qui posuit fines tuos pacem et adipe frumenti satiat te
4 qui emittit eloquium suum terræ velociter currit sermo ejus
5 qui dat nivem sicut lanam nebulam sicut cinerem spargit
6 mittit cristallum suum sicut buccellas ante faciem frigoris ejus quis sustinebit
7 emittet verbum suum et liquefaciet ea flabit spiritus ejus et fluent aquæ
8 qui adnuntiat verbum suum Jacob justitias et judicia sua Israël
9 non fecit taliter omni nationi et judicia sua non manifestavit eis
Fejezetek: