1. verbum Domini quod factum est ad Micham Morasthiten in diebus Joatham Ahaz Ezechiæ regum Juda quod vidit super Samariam et Hierusalem

2. audite populi omnes et adtendat terra et plenitudo ejus et sit Dominus Deus vobis in testem Dominus de templo sancto suo

3. quia ecce Dominus egreditur de loco suo et descendet et calcabit super excelsa terræ

4. et consumentur montes subtus eum et valles scindentur sicut cera a facie ignis sicut aquæ quæ decurrunt in præceps

5. in scelere Jacob omne istud et in peccatis domus Israël quod scelus Jacob nonne Samaria et quæ excelsa Judæ nonne Hierusalem

6. et ponam Samariam quasi acervum lapidum in agro cum plantatur vinea et detraham in vallem lapides ejus et fundamenta ejus revelabo

7. et omnia sculptilia ejus concidentur et omnes mercedes ejus conburentur igni et omnia idola ejus ponam in perditionem quia de mercedibus meretricis congregata sunt et usque ad mercedem meretricis revertentur

8. super hoc plangam et ululabo vadam spoliatus et nudus faciam planctum velut draconum et luctum quasi strutionum

9. quia desperata est plaga ejus quia venit usque ad Judam tetigit portam populi mei usque ad Hierusalem

10. in Geth nolite adnuntiare lacrimis ne ploretis in domo Pulveris pulvere vos conspergite

11. et transite vobis habitatio Pulchra confusa ignominia non est egressa quæ habitat in Exitu planctum domus Vicinæ accipiet ex vobis quæ stetit sibimet

12. quia infirmata est in bonum quæ habitat in Amaritudinibus quia descendit malum a Domino in portam Hierusalem

13. tumultus quadrigæ stuporis habitanti Lachis principium peccati est filiæ Sion quia in te inventa sunt scelera Israël

14. propterea dabit emissarios super hereditatem Geth domus Mendacii in deceptionem regibus Israël

15. adhuc heredem adducam tibi quæ habitas in Maresa usque Adollam veniet gloria Israël

16. decalvare et tondere super filios deliciarum tuarum dilata calvitium tuum sicut aquila quoniam captivi ducti sunt ex te





“Por que a tentação passada deixa na alma uma certa perturbação? perguntou um penitente a Padre Pio. Ele respondeu: “Você já presenciou um tremor de terra? Quando tudo estremece a sua volta, você também é sacudido; no entanto, não necessariamente fica enterrado nos destroços!” São Padre Pio de Pietrelcina