1. Canticum ascensionum. Saepe expugnaverunt me a iuventute mea, dicat nunc Israel,

2. saepe expugnaverunt me a iuventute mea, etenim non potuerunt adversum me.

3. Supra dorsum meum araverunt aratores, prolongaverunt sulcos suos.

4. Dominus autem iustus concidit cervices peccatorum.

5. Confundantur et convertantur retrorsum omnes, qui oderunt Sion.

6. Fiant sicut fenum tectorum, quod, priusquam evellatur, exaruit;

7. de quo non implevit manum suam, qui metit, et sinum suum, qui manipulos colligit.

8. Et non dixerunt, qui praeteribant: “Benedictio Domini super vos, benedicimus vobis in nomine Domini”.





“Diga ao Senhor: Faça em mim segundo a Tua vontade, mas antes de mandar-me o sofrimento, dê-me forças para que eu possa sofrer com amor.”. São Padre Pio de Pietrelcina