1. intellectus Asaph ut quid Deus reppulisti in finem iratus est furor tuus super oves pascuæ tuæ

2. memor esto congregationis tuæ quam possedisti ab initio redemisti virgam hereditatis tuæ mons Sion in quo habitasti in eo

3. leva manus tuas in superbias eorum in finem quanta malignatus est inimicus in sancto

4. et gloriati sunt qui oderunt te in medio sollemnitatis tuæ posuerunt signa sua signa

5. et non cognoverunt sicut in exitu super summum quasi in silva lignorum securibus

6. exciderunt januas ejus in id ipsum in securi et ascia dejecerunt eam

7. incenderunt igni sanctuarium tuum in terra polluerunt tabernaculum nominis tui

8. dixerunt in corde suo cognatio eorum simul quiescere faciamus omnes dies festos Dei a terra

9. signa nostra non vidimus jam non est propheta et nos non cognoscet amplius

10. usquequo Deus inproperabit inimicus inritat adversarius nomen tuum in finem

11. ut quid avertis manum tuam et dexteram tuam de medio sinu tuo in finem

12. Deus autem rex noster ante sæculum operatus est salutes in medio terræ

13. tu confirmasti in virtute tua mare contribulasti capita draconum in aquis

14. tu confregisti capita draconis dedisti eum escam populis Æthiopum

15. tu disrupisti fontem et torrentes tu siccasti fluvios Ætham

16. tuus est dies et tua est nox tu fabricatus es auroram et solem

17. tu fecisti omnes terminos terræ æstatem et ver tu plasmasti ea

18. memor esto hujus inimicus inproperavit Dominum et populus insipiens incitavit nomen tuum

19. ne tradas bestiis animam confitentem tibi animas pauperum tuorum ne obliviscaris in finem

20. respice in testamentum tuum quia repleti sunt qui obscurati sunt terræ domibus iniquitatum

21. ne avertatur humilis factus confusus pauper et inops laudabunt nomen tuum

22. exsurge Deus judica causam tuam memor esto inproperiorum tuorum eorum qui ab insipiente sunt tota die

23. ne obliviscaris voces inimicorum tuorum superbia eorum qui te oderunt ascendit semper





“A ingenuidade e’ uma virtude, mas apenas ate certo ponto; ela deve sempre ser acompanhada da prudência. A astúcia e a safadeza, por outro lado, são diabólicas e podem causar muito mal.” São Padre Pio de Pietrelcina